Түбән Камада мәктәп театр коллективлары фестивале уза

Түбән Камада театраль коллективларның «Тел. Мәдәният. Иҗат» дип аталган Бөтенроссия фестивале уза.

32 нче гимназия базасында 11 ел инде мәктәпләрнең иҗат коллективлары иң яхшылар исеме өчен ярышалар. Фестивальдә башлангыч звено укучылары катнаша.

Быел фестивальнең тематикасы — балалар язучылары әсәрләре һәм халык әкиятләре. Мисал өчен, 36 нчы мәктәпнең 4 «З» сыйныфы укучылары «Шалкан» әкиятен куйды. Яшь артистларның уйнавы һәм аларның халык фольклоры әсәренең сәнгати ниятен күрүләре тамашачыларга ошады. Моны көчле алкышлар исбатлады.