Түбән Камада кычкырып уку буенча чемпионат узачак

20 мартта Түбән Камада узачак кычкырып уку буенча «Открой рот» дип аталган чемпионатның сайлап алу этабы булачак.

Катнашучылар рус телендәге әсәрләрдән өзекләрне әзерлексез укырга тиеш. Чара талантлы укучыларны ачыклауга һәм нәфис сүз культурасын үстерүгә юнәлдерелгән.

Жюри чыгышларның техникасын һәм сәнгатьлелеген бәяли.

Өч раунд нәтиҗәләре буенча иң күп балл җыйган өч катнашучы конференция финалына үтә.

Чара «База» креатив индустрияләр үзәгендә Урман урамы, 55 адресы буенча узачак. Сәгать 18дә башлана. Түбән Кама муниципаль районыныж мәдәният идарәсе матбугат хезмәте хәбәр иткәнчә, чемпионатка балигъ булган укучылар кабул ителә.