Түбән Камада «Йолдызлы сәхнә» фестивале 12 театр коллективын җыйды

Түбән Каманың 38 нче лицеенда татар телендә балалар һәм яшүсмерләр театрларының «Йолдызлы сәхнә» муниципаль фестивале узды.

Фестивальдә 1-11 сыйныф укучылары — шәһәр һәм районның гомуми белем бирү оешмаларыннан барлыгы 12 театр коллективы катнашты.

Финалга 8 команда чыкты. Гран-прига 38 нче лицей коллективы лаек булды. «Адымнар-Түбән Кама» гимназиясе җиңүче булды. Икенче урынны 31нче һәм 36нчы мәктәпләр, шулай ук 37нче лицей алды. Өченче урынны 8 нче һәм 10 нчы мәктәпләргә, Каенлы урта гомуми белем бирү мәктәбенә бирделәр.