Түбән Камада Җиңү монументы янында һәм зиратта яңа истәлекле комплекслар барлыкка киләчәк

Түбән Камада ике истәлекле комплекс барлыкка киләчәк: Җиңү монументы янында һәм солдатлар күмелгән зиратта.

Бу хакта «эшлекле дүшәмбе» барышында шәһәр мэры Рамил Муллин белдерде. Моның өчен бу өлкәдә белгечләр белән очрашу үткәреләчәк, дип билгеләп үтте ул.

«Азатлык һәм Җиңү өчен гомерләрен биргәннәргә хөрмәт йөзеннән, киләсе ел дәвамында безгә Җиңү монументы янында комплекс һәм зиратта комплекс урнаштырырга кирәк», — дип билгеләде Рамил Муллин.