Түбән Камада иң матур яңа ел бизәлеше өчен сәүдә нокталарын билгеләп үттеләр

Түбән Камада яңа елга сәүдә нокталарын барысыннан да яхшырак бизәгән эшмәкәрләрне бүләкләделәр. Махсус алар өчен муниципаль конкурс үткәрелде.

«Venda Fruit» кибете конкурста беренче урынны алды. Яңа ел бизәлеше конкурсында икенче урын «Гриль Хаус» ресторанына бирелде. 

Түбән Камада эшмәкәрләр, рестораннар, кафелар һәм башка сәүдә нокталары арасында иң яхшы яңа ел бизәлешенә муниципаль конкурс беренче тапкыр уздырылды. Бу, барыннан да элек, шәһәр мохитен бизәү өчен эшләнде.

Киләчәктә, сәүдә нокталарын башка бәйрәмнәргә дә шул рәвешле бизәү планлаштырыла.