Түбән Камада иң яхшы «Автобабай-2024»ны ачыкладылар

Түбән Камада «Автобабай-2024» конкурсы узды. Анда 60 тан 82 яшькә кадәрге 16 ир-ат катнашты, дип хәбәр итә шәһәр дәүләт автоинспекциясенең матбугат хезмәте.

Катнашучылар йөртүнең теоретик һәм практик күнекмәләрендә ярышты.

Конкурсның барлык этаплары йомгаклары буенча беренче урынны транспорт буенча ревизор Сергей Масленников алды, икенче урында — ашыгыч ярдәм машинасы йөртүчесе Таһир Сафиуллин, өченче урында — машина йөртүче Михаил Асанов.