Түбән Камада ике яңа завод төзеләчәк

Түбән Камада «Азык-төлек куркынычсызлыгын технологик тәэмин итү» илкүләм проекты кысаларында метионин җитештерү һәм ашлыкны тирәнтен эшкәртү буенча заводлар төзеләчәк. Бу хакта администрациянең матбугат хезмәте хәбәр итә. Бу инвестпроектларны «Татнефть» гамәлгә ашырачак.

110 гектар ашлык эшкәртү заводы ксантанлы камедь, валин, триптофан һәм изолейцин җитештерәчәк. Метионин җитештерүне 61 гектар мәйданда урнаштыру планлаштырыла. 1 008 эш урыны булдырылачак.

Ике завод та илнең әлеге продукциягә ихтыяҗын тулысынча канәгатьләндерергә мөмкинлек бирәчәк, дип билгеләп үтә хакимият.