Түбән Камада июль ачык һавада музыкаль концерт белән тәмамланачак

Түбән Каманың Габдулла Тукай исемендәге уку һәм ял паркында 31 июль көнне 17:00 сәгатьтә «Җәй көйләре» музыкаль концерты була.

Кичәнең төп башкаручысы — «Илһам» татар эстрада ансамбле, ул ике телдә дәртләндергеч хитлардан һәм яраткан ретро-композицияләрдән торган программа тәкъдим итәчәк.

Чара Республика Рәисе Рөстәм Миңнеханов инициативасы белән гамәлгә ашырыла торган «Татарстанда җәй» республика проекты кысаларында уза.