Түбән Камада Яшьләр көнендә чыгыш ясаячак артистларның тулы исемлеге билгеле булды

29 июньдә Түбән Камада Яшьләр көнен билгеләп үтәчәкләр. Бәйрәм «Гаилә» паркында һәм «Манзара» сәүдә үзәгенең Шинчылар проспектындагы парковкасында узачак.

Түбәнкамалылар һәм шәһәр кунаклары өчен бай программа әзерләнгән: «Игелекле Түбән Кама» фестивале, гастрофестиваль, кулдан эшләнгән әйберләр ярминкәсе, машиналар һәм мотоцикллар күргәзмәсе, «Титаннар сугышы» тамашасы.

Кич белән шәһәр халкы өчен бәйрәм концерты була. Сәхнәгә Илшат Сафин, Елизавета Роднянская һәм MISS LA, DAVLYAN, OWEEK чыгачак. Чараның хедлайнеры — җырчы Konfuz.