Түбән Камада яшь самокат сөючеләр арасында ярышлар узды

Түбән Камада СТОС рәисләре яшь самокат яратучылар өчен ярышлар оештырды.

«Юл хәрәкәте куркынычсызлыгы» ДБУ матбугат хезмәте хәбәр иткәнчә, башланыр алдыннан балалар өчен куркынычсыз хәрәкәт кагыйдәләре турында инструктаж уздырганнар. Чара барышында катнашучылар тизлекне арттыру, тормозга басу, бер кул белән идарә итү, киртәләрне урап узу һәм башка бик күп осталыкларын тикшерделәр.

Җиңүчеләрне «Трюкач», «Ловкач» һәм «Иң тәртипле йөртүче» номинацияләрендә бүләкләделәр.

Шунысын да билгеләп үтәргә кирәк, ярышлар республика Рәисе инициативасы белән оештырылган «Татарстанда җәй» республика программасы кысаларында узды.