Түбән Камада ялларда 23 юл-транспорт һәлакәте булган

Узган ялларда Түбән Кама юлларында 23 авария теркәлгән, аларда бер кеше җәрәхәтләнгән.

Шәһәр Дәүләт автоинспекциясенең матбугат хезмәте хәбәр иткәнчә, моннан тыш 5 исерек һәм машина белән таныклыксыз идарә иткән 3 машина йөртүче тоткарланган, алар авто белән идарә итүдән читләштерелгән.

Өстәвенә, тонировка кагыйдәләрен бозуның 18 очрагы ачыкланган, 116 йөртүче куркынычсызлык каешын эләктермәгән, 9 кеше светофорның тыюлы сигналына узган, ә 13 йөртүче балаларны махсус утыргычсыз йөрткән.