Түбән Камада һөнәри бәйрәмнәре алдыннан янгын сүндерүчеләрне бүләкләделәр

Түбән Камада янгын күзәтчелеге көне уңаеннан тантаналы чара узды. Анда яхшы хезмәткәрләрне бүләкләделәр һәм аларны якынлашып килүче бәйрәм белән котладылар. 

Иң яхшы хезмәткәрләргә бүләкләрне 35нче часть территориясендә үткән чарада тапшырдылар. 

Барлыгы 20 кеше бүләкләнде. Күпчелек янгын сүндерү бүлекчәләрендә күптәннән эшли.

«Бүләкне шәһәр башкарма комитетыннан, безнең отряд җитәкчелегеннән, Россия һәм Татарстан Гадәттән тыш хәлләр министрлыгыннан алу бик күңелле. Мөмкинлектән файдаланып, хезмәттәшләремне бәйрәм белән котлыйсым килә. 30 апрель — Россия янгын күзәтчелеге көне. Барлык хезмәттәшләрне бәйрәм белән!» — дип теләде ПЧ-78 башлыгы урынбасары Иван Бодрягин.