Түбән Камада грант акчасына этләр өчен тренажерлар урнаштырачаклар
Тренажерларны Химиклар проспектындагы 72б номерлы йорт янына куялар.
Түбән Камада ТР Муниципаль берәмлекләре Советы конкурсында территориаль иҗтимагый үзәк откан грант акчасына этләр өчен тренажерлар урнаштырачаклар. Бу хакта НТР 24 телеканалына Түбән Кама ТИҮ советлары җитәкчесе Гөлисә Рәшитова сөйләде.
Тренажерларны Химиклар проспектындагы 72б номерлы йорт янына куялар. Эт асраучылар аларны үзләре урнаштыра.
«Өч микрорайон җиңүче булды һәм 1 миллион сум отты, ә 7 микрорайон призер булды һәм 477 мең сум отты. Бу акчага без балалар мәйданчыклары, тренажерлар сатып алдык һәм хәзер аларны урнаштыра башладык. Ун ишегалдында спорт тренажерлары, дүрт ишегалдында балалар өчен спорт җиһазлары урнаштырылачак. Ә бер грантны без Химиклар урамындагы 72б йорты янында этләр өчен тренажерларга тоттык», — дип сөйләде Гөлисә Рәшитова.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев