Түбән Камада гаилә ансамбленең юбилей концерты узачак

Якшәмбе, 15 декабрьдә, Түбән Камада С. Сәйдәшев исемендәге музыка көллиятенең концертлар залында «Сандугачлар оясы» халык гаилә фольклор ансамбленең 40 еллыгына багышланган «Тату гаилә — җәннәт почмагы» юбилей концерты була.

Гайнемхәммәтовлар ансамбле — шәһәрдә беренчеләрдән. Аңа 1971 елда Флера һәм Рәзинә нигез сала, башта алар дуэт булып җырлыйлар. Аларның «Әйдә, әйдә» (1973 ел) җыры язмасы Татар радиосының «Алтын фонды»нда саклана.

Хәзер ансамбльдә 9 артист чыгыш ясый.