Түбән Камада физик культура һәм спорт идарәсе башлыгы билгеләнде

Түбән Камада физик культура һәм спорт идарәсе башлыгы итеп Алексей Урезов билгеләнде. Бу хакта «эшлекле дүшәмбе» дә билгеле булды.

«Алексей Владимировичның зур эш тәҗрибәсе бар, ул күп кенә чемпионнар, шул исәптән дөнья дәрәҗәсендәге чемпионнар тәрбияләгән педагог. 3 нче спорт мәктәбендә, «Олимпийский» спорткомплексында эшләде, 2011 елдан «Динамо» спорт мәктәбе директоры. Сезгә уңышлар телибез», — диде Түбән Кама мэры.