Түбән Камада «Ел рәссамы-2025» бәйгесе җиңүчесе билгеле булды

Быелгы күргәзмәдә 30 рәссам катнашты, тамашачылар игътибарына төрле техникада башкарылган 64 картина тәкъдим ителде. Беренче сайлап алу этабын узган 28 эш финалга чыкты. Һәр авторның әсәрләрендә үзенчәлекле стиль, иҗади караш һәм һөнәри осталык ачык чагыла. 

Бәйгенең төп бүләге — «Ел рәссамы — 2025» исеме акварель техникасында иҗат итүче Диләрә Закировага тапшырылды. Аның эшләре нечкәлеге, тирәнлеге һәм сәнгати образлылыгы белән жюри әгъзаларының югары бәясенә лаек булды. Диләра Фәрит кызы шулай ук шәхси күргәзмәләр авторы, шәһәр мураллары дизайнын эшләүче һәм «2025 елның иң яхшы педагог-рәссамы» дигән мактаулы исем иясе буларак та танылган.

Бүләкләү тантанасында Түбән Кама шәһәренең Мактаулы гражданы Нина Буханова, Яшь тамашачы театры директоры Роза Аникина, мәдәният идарәсе белгече Светлана Джангидзе катнашты

Фотода: Музей директоры Л. Гатауллина, «Ел рәссамы-2025» бәйгесе җиңүчесе Д. Закирова һәм рәссам М. Әфләтунов. / Фото шәхси архивтан