Түбән Камада диспансеризация: нәрсәләр керә, кайда һәм кайчан узарга

Процедура этаплап уза: башта анкета тутыру һәм үлчәүләр (буй, авырлык, кан басымы), аннары – җенескә һәм яшькә карап – тикшерүләр җыелмасы:

• Канның гомуми һәм биохимик анализлары (холестерин һәм шикәрне дә кертеп);
• ЭКГ;
• Үпкә флюорографиясе;
• Терапевт һәм, кирәк булса, табиб-белгечләр тикшерүе.

Яшькә бәйле тикшерүләр: 40 яшьтән өлкәнрәк хатын-кызларга маммография киңәш ителә; 50, 55, 60 һәм 64 яшьлек ир-атларга – простата бизе хәлен бәяләү өчен ПСА анализы.

«Күп кенә куркыныч авырулар башлангыч стадияләрдә симптомнарсыз уза. Без озак вакыт табибта булмаганнарга, үзләренең киләчәген кайгыртучыларга бу мөмкинлектән файдаланырга чакырабыз. Бу –  бушлай, һәркемгә мөмкинлек бар һәм сезнең сәламәтлегегезне һәм тормыш сыйфатын саклап кала ала», – дип билгеләп үтте Түбән Кама үзәк район күппрофильле хастаханәсенең медицина профилактикасы бүлеге мөдире Светлана Прокопьева.

Түбән Камада диспансеризацияны кайда узарга:

• 1нче поликлиника (Менделеев ур., 46), 107В кабинет 07:00-18:30 ( эш көннәрендә)
• 2нче поликлиника (Төзүчеләр пр., 10Д), 114 кабинет 07:00-15:00 га кадәр (эш көннәрендә)
• Консультатив-диагностика поликлиникасы (Актүбә ур., 11), холл 07:00-15:00 ( эш көннәрендә)

«Озын һәм актив гомер» милли проекты россиялеләргә үз сәламәтлекләрен контрольдә тотарга ярдәм итә – моңа даими диспансеризация системасы үсеше ярдәм итә.