Түбән Камада чана-трактор поездының килүенә 65 ел тулуны билгеләп үтәчәкләр

1960 елның 25 декабре — Түбән Кама өчен истәлекле көн. Нәкъ шул көнне булачак төзелеш урынына Лениногорскидан төзүчеләрнең беренче десанты килеп җитә. Алар 25 кешедән торган чана-трактор поездында килә.
Юбилей датасына, чана-трактор поездының килүенә 65 ел тулуга багышланган тантаналы чара булачак, аны уздыру турында Түбән Кама мэриясендә сөйләштеләр.

Бәйрәм чарасы ике төп өлештән торачак. Беренчесе ачык һавада «Мы знали — город будет» скульптура композициясе янында узачак.

Театральләштерелгән пролог беренче төзүчеләр бригадасының Кама буендагы шәһәр төзелешенә килгән үткән еллар картинасын җанландырачак. Икенче өлеше музейда узачак, анда Түбән Кама ветераннары күргәзмәләрдә булачак һәм тематик кичәдә катнашачак.