Түбән Камада «Беренчеләр йорты» турында ачык дискуссия узачак

Түбән Камада мэр Радмир Беляев һәм архитектура, урбанистика һәм социология экспертлары катнашында «Беренчеләр йорты» («Дом Первых») турында ачык дискуссия узачак.

Әңгәмә темасы: үз тарихы булган киңлекне ничек яңадан аңларга һәм аны балалар, яшүсмерләр һәм остазлар өчен заманча һәм кирәкле итәргә.

Спикерлар:

• Елена Верещагина, «Кто твой город» медиасын булдыручы, шәһәр проектларын тикшерүче, шәһәр коммуникацияләре буенча белгеч, Глазычев исемендәге территориаль үсеш кафедрасы укытучысы

• Радмир Беляев, Түбән Кама муниципаль районы башлыгы

• Тимур Сөләйманов, ТР Рәисе ярдәмчесе, Татарстанда «Беренчеләр хәрәкәте» җитәкчесе

• Артем Цокур, Бөгелмәнең баш архитекторы

• Айгөл Латыйпова, Казанның Парклар һәм скверлар дирекциясе директоры

• Марья Леонтьева, «Тамга» шәһәр тикшеренүләре институтын гамәлгә куючы, социолог, территорияләрне социомәдәни үстерү буенча белгеч

• Валерия Медведева, Түбән Каманың «Беренчеләр хәрәкәте» катнашучысы

Очрашу 15 гыйнварда 19:00 сәгатьтә «Беренчеләр йорты» нда була (Тукай урамы, 21).

Фото: Түбән Кама хакимиятенең матбугат хезмәте