Түбән Камада балыкчы-браконьерны хөкем иттеләр

Түбән Кама суды законсыз балык тотуда гаепләнгән гражданинга карата җинаять эшен карады.

Апрель ахырында төбәк әһәмиятендәге табигать һәйкәле чикләрендә ир-ат көймәдән ятьмә ярдәмендә балык тоткан. Шулай итеп балыкчы җиде балык каптырган.

Ир-ат ятьмә белән балык тотуның тыелган булуын белгән, әмма бу аны туктатмаган. Аны гаепле дип тапканнар. Суд балыкчыга 60 сәгать мәҗбүри эш җәзасы билгеләде, дип хәбәр итә шәһәр судының матбугат хезмәте.