Түбән Камада автобус паркын яңарту планлаштырыла

Түбән Кама муниципаль районы башкарма комитеты җитәкчесе Радмир Беляев НТР 24 телеканалында «Туры элемтә» вакытында бакчаларга маршрутлар турындагы сорауга җавап бирде.

Бүгенге көндә пассажирларны ташу җирле ПАТП тарафыннан башкарыла. Шәһәрдә 50 автобус эшли, зур сыйдырышлы 9 «Лотос» автобуслары бар.

Башкарма комитет җитәкчесе билгеләп үткәнчә, шәһәр яны маршрутларына һәм бакчаларга яңа транспорт өчен тагын 10 «Лотос» сатып алу планлаштырыла.