Түбән Камада аттракционнар паркының ачылу көне билгеле булды

1 июнь — Балаларны яклау көнендә аттракционнар паркы рәсми рәвештә үз ишекләрен ачачак. 

Паркны төзекләндерү һәм үзгәртеп кору узган елның көзендә парк яңа хуҗа кулына күчкәч башланган иде. Биредә иске аттракционнар сүтелеп, яңалары белән алмаштырылды, кайбер аттракционнар үзгәртелде. Парк вәкилләре әйтүенчә, барлык аттракционнар да ныклык һәм куркынычсызлык тикшерүе уза, ә паркның пери-метры буенча видеокүзәтү камералары урнаштырылган.

Яңа парк «Сабантуй» исемен йөртәчәк.