Түбән Камада ата-аналары инвалид булган гаиләнең фатиры янган

Түбән Камада Химиклар проспектындагы 51 нче йортта чәршәмбе көнне 13 сәгать тирәсендә янгын чыга. Ут чыгу сәбәпле, алтынчы каттагы фатир янып бетә.

Фатирда 3 төркем инвалид булган хатын-кыз, аның ире (2 төркем инвалид, хәзер операциядән соң хастаханәдә ята) һәм аларның балалары яши, алар арасында башлангыч мәктәп яшендәге кызлары да бар.

Бүген укытучылар һәм кызның сыйныфташларының әти-әниләре, шулай ук волонтерлар фатирны җыештыруда ярдәм итәргә килде. Гаилә вакытлыча яшәү урыны, матди ярдәмгә һәм ремонтка мохтаҗ.