Түбән Камада җәяүлеләр кичүендә баланы бәрдергәннәр

Дүшәмбе, 2 декабрьдә кичке сәгать 5ләр тирәсендә Түбән Каманың Сөембикә урамындагы 12 нче йорт каршында чит ил машинасын йөртүче баланы бәрдерә.

Дәүләт автоинспекциясенең матбугат хезмәте хәбәр иткәнчә, беренчел мәгълүматлар буенча, Chevrolet Monza автомобилен йөртүчесе 34 яшьлек кеше, Сөембикә урамы буйлап Тынычлык проспекты ягыннан Менделеев юнәлешендә барганда, көйләнмәгән җәяүлеләр кичүе аша чыгып баручы 2014 елгы малайга юл бирми. 

Бәрдерү нәтиҗәсендә малайның аягы җәрәхәтләнә. Ул хастаханәгә озатылган.

Юл-транспорт һәлакәте шартлары ачыклана.