Түбән Камада ачык һавада лекцияләр, мастер-класслар һәм бургерлар белән креатив ярминкә узачак

Түбән Камада өченче Open База Market — яшь һәм талантлы эшмәкәрләрне, шулай ук хезмәт күрсәтү, җәмәгать туклануы һәм күңел ачу өлкәсендәге креатив проектларны тәкъдим итү мәйданчыгы узачак.

Чараның төп вакыйгасы — төрле профильдәге осталарның эшләнмәләре ярминкәсе булачак: чүлмәк ясау кәсебе, макраме, ювелир сәнгать, косметика, кулинария һәм башкалар.

Быел маркет географиясен киңәйтә: Түбән Кама осталарыннан тыш, Чаллы, Алабуга һәм Әлмәт эшмәкәрләре дә үз продукциясен тәкъдим итәчәк.

Үзәк директоры Айрат Хәбиров сөйләвенчә, Open База Market чарасында түбәнкамалыларны кызыклы мәдәни-күңел ачу һәм белем бирү программасы, һәм, әлбәттә, тәмле ризыклар көтә.

«Бездә төрле юнәлешләр: чүлмәкче һөнәре, бачата, сынлы сәнгать буенча мастер-класслар булачак. Урамда фудкорт оештырыла, бургерлар кыздырылачак, уен зоналары, мәйданчыклар булачак, һәм өстәмә рәвештә без төрле юнәлешләр буенча лекцияләр укыйбыз. Лекцияләрнең темалары әлегә билгеләнә», — дип уртаклашты Хәбиров.

Open База Market 26 апрельдә 10 сәгатьтән 16 сәгатькә кадәр «База» креатив индустрияләр үзәге территориясендә, Лесная урамы, 53 адресы буенча узачак. Керү ирекле.