Түбән Камада 8 яшьлек малай 4нче каттан сикереп, реанимациягә эләккән

Түбән Камада сигез яшьлек малай биеклектән егылып имгәнгән. Сишәмбе көнне Корабельная урамында мәктәп укучысының үзе яшәгән йортның дүртенче катындагы балконнан сикергәне турында Mash Iptash телеграм-каналы хәбәр иткән иде. Язылганнардан күренгәнчә, малай бу вакытта урамда торган дустының үгет-нәсихәтенә бирешкән. Күрше хатын ашыгыч ярдәм чакырган, баланы хастаханәгә алып киткәннәр.

Шәһәр балалар хастаханәсендә НТР 24 телеканалына хәбәр итүләренчә, малайның сынган урыннары бар, ул хәзер аңында һәм реанимациядә. Хәзер зыян күргән баланы тикшерү бара.