Түбән Камада 73 яшьлек хатын-кыз талпан кадалудан зыян күргән

Түбән Камада талпан кадалганнан соң табибларга ярдәм сорап дүрт кеше мөрәҗәгать иткән инде. Бу пациентларның барысы да табигатьтә булган яки бакчада эшләгән.

Зыян күрүчеләрнең берсе — 73 яшьлек хатын-кыз. Аңа талпан Дмитриевка бакчасында эшләгәндә «һөҗүм иткән». Табиблар бөҗәкне чыгарган, пациентка талпан энцефалитын профилактикалау өчен иммуноглобулин кадалган, дип хәбәр итә НЦРМБ матбугат хезмәте.

Талпан кадалудан зыян күргән пациентларны Түбән Кама район хастаханәсенең кичектергесез травматология һәм ортопедия бүлегендә тәүлек буе кабул итәләр (адресы: Ахтубинская ур., 11).

Түбән Камада талпан кадалуның беренче очрагы 31 мартта теркәлгән иде.