Түбән Камада 660 агачны формалаштырып кисәргә планлаштыралар

Түбән Камада агачларны планлы кисү дәвам итә. «КПБ» оешмасы белгечләре агач башларына эстетик күренеш бирү һәм аларның сәламәт үсүен стимуллаштыру өчен санитар (авыру һәм коры ботакларны кисү), шулай ук формалаштыру өчен кисү эшләрен башкаралар.

Язгы актив вегетация чоры алдыннан бу эш аеруча мөһим. Барлыгы 660 агачны формалаштырып кисү планлаштырыла. 10 мартка булган мәгълүматларга караганда, 52 агач чистартылган инде.