Түбән Камада 5 июньдә Сабантуйга бүләкләр җыячаклар

Түбән Камада 5 июньдә Сабантуйга бүләкләр җыю йоласы оештырыла. Мэриянең матбугат хезмәте хәбәр иткәнчә, артистлар белән бәйрәм арбасы 18:00 сәгатьтән Кайманов урамындагы 11 нче йорттан Габдулла Тукай исемендәге паркка кадәр барачак. Юлда Мәктәп бульварындагы 7/2 нче йорт янында тукталыш ясалачак.

Һәр тукталышта иҗат коллективлары тамаша күрсәтә. Теләге булган һәркем йөрешкә кушыла һәм бүләкләр китерә алачак. Бүләкләр конкурсларда, уеннарда һәм спорт ярышларында катнашучыларга биреләчәк.