Түбән Камада 5 июньдә балалар өчен экологик фестиваль узачак

Түбән Каманың «Гаилә» паркында 5 июньдә Бөтендөнья әйләнә-тирәне саклау көненә багышланган «Поколение эко» фестивале узачак. Чарага гаилә белән барырга мөмкин булачак.

Программада: экологик интерактив программа, икенчел чимал җыю буенча «Калдыкларны — керемгә» акциясе, сәнгать пленэры, күчмә экологик лаборатория, фотосушка, иҗади мастер-класслар, мавыктыргыч экологик уеннар, әдәби-сәнгать күргәзмәсе.

Башлану вакыты: 9:30.

Фестиваль «Формула хороших дел» программасы кысаларында СИБУР ярдәме белән үткәрелә.