Түбән Камада 26 апрельдә вакытлыча Шинчылар проспектын ябачаклар

Түбән Камада 26 апрельдә «Татнефть» юбилеен бәйрәм итү уңаеннан Шинчылар проспекты участогын вакытлыча ябачаклар.

Иртәнге сәгать 9дан 11гә кадәр «Гаилә» паркындагы «Манзара» сәүдә үзәге янындагы юлда Вахитов проспекты чатыннан башлап йөрү ябылачак.

26 апрельдә «Татнефть» компаниясе үзенең 75 еллыгына багышланган бәйрәм оештыра. Предприятие хезмәткәрләренең йөреше, Марат Яруллин, җирле артистлар һәм коллективлар, шулай ук кавер-төркемнәр катнашында концерт планлаштырылган.