Түбән Камада 2025 елгы Сабантуйга зур бәйрәм программасы әзерләнде

Сабан бәйрәме уңаеннан чаралар иртәнге сәгать 9 да башлана һәм мәйданда кичке 16 га кадәр дәвам итәчәк.

Бәйрәм итүнең зур программасы әзерләнгән. «Кояшчык мәйданы» балалар мәйданында кечкенә артистлар сәхнәдә чыгыш ясаячак, шулай ук милли һәм спорт уеннары узачак.

Авыл җирлекләренең «Минем авылым» зонасында «Авыл энҗесе» муниципаль конкурсында җиңүчеләрне бүләкләү булачак. Шулай ук милли җәмгыятьләр мәйданчыклары, «Иҗат шәһәре» халык-сәнгать һөнәрчелеге осталары мәйданчыгы һәм рәссам Илдус Мортазин картиналары күргәзмәсе ачылачак.

Төп сәхнәдә традиция буенча зур бәйрәм программасы планлаштырылган:

• 8:00 — музыка һәм радиогазета;
• 9:00 — Түбән Кама профессиональ һәм үзешчән иҗат коллективлары катнашында концерт программасы;
• 10:15 — «Сорнай» фольклор ансамбле чыгышы;
• 11:00 — театральләштерелгән пролог «Җир-Ана бәйрәме»;
• 11:40 — бәйрәмнең рәсми өлеше;
• 12:30 — Түбән Кама артистларының концерт программасы;
• 13:00 — Ләйлә Галиева чыгышы;
• 14:00 — Алсу һәм Азат Фазлыевлар чыгышы.

Ул арада әдәби мәйданда китап күргәзмәләре, мастер-класслар һәм татар халкының хәрәкәтчән уеннары булачак. Ә яшьләр мәйданчыгында яшьләр берләшмәләре күргәзмәләре һәм команда оештыруга уеннар үткәрелә.

«СИБУР» мәйданчыгында мастер-класслар һәм балалар зонасы булачак, анда аерым бәйрәм программасы планлаштырылган:

• 10:00 — АCTION MAN брейк-данс коллективы чыгышы;
• 13:00 — АВІЕМ PROJECT дуэты чыгышы;
• 10:25, 12:20, 15:00 — SAFARI кавер төркеме чыгышы;
• 10:10, 12:05 — ZAKARIA төркеме чыгышы;
• 13:15 — Гөлназ «ДЫШАТЬ» чыгышы;
• 14:00 — ТР атказанган артисты Данир Сабиров чыгышы.

Моннан тыш, шәһәр халкын «ТАИФ-НК» мәйданчыгында да кызыклы күңел ачулар көтә, анда активлык зонасы, фотозона, нейрочелтәрле фотобудка һәм бәйрәм сәүдәсе оештырылачак. Сәхнәдә исә Роберт Ямгуров, «CRYSTAL» шоу-балеты, «MINGAZOV» татар кавер-төркеме чыгыш ясаячак.

«КАМА TYRES» шин комплексы мәйданчыгында шин җитештерү күргәзмәсе узачак. Ә «ТАТНЕФТЬ» җәмгыяте мәйданчыгында 10:00 дән үзешчән сәнгать артистлары чыгыш ясый башлый, 12:30 да сәхнәгә «ВИА ХИТ» кавер-төркеме чыгачак, ә 13:00 дә — ТР атказанган артисты Фирдүс Тямаев.