Түбән Камада 2 нче Промышленная урамындагы сәнәгать зонасында юлны төзекләндерәләр

Түбән Камада 2025 елда 2 нче Промышленная урамындагы сәнәгать зонасында юлны капиталь ремонтлау башланачак. Бу хакта Түбән Кама муниципаль районы башкарма комитеты җитәкчесе Радмир Беляев хәбәр итте.

Быел беренче этапта 2,7 км озынлыктагы участок яңартылачак, диде ул.

Юлны ремонтлау Татарстан Рәисе ярдәме белән мөмкин булды.

«Шәһәрнең иң проблемалы участогын — 2 нче Промышленная урамындагы юлны ремонтлау мәсьәләсе буенча без Татарстан Рәисенә мөрәҗәгать иттек. Рөстәм Нургалиевич карары буенча юлларны капиталь ремонтлауның беренче этабын үткәрүгә 397 млн сум бүлеп биреләчәк», — дип язды Радмир Беляев үзенең телеграм-каналында.