Түбән Камада 13 егет армия сафларында хезмәт итәргә китте

Түбән Камада 7 июльдә 13 егет армия сафларында хезмәт итәргә китте. Бу — «Яз-2025» чакырылыш кампаниясе кысаларында армиягә соңгы озату булды.

13 түбәнкамалы коры җир гаскәрләрендә, стратегик билгеләнештәге ракета гаскәрләрендә, шулай ук Преображение полкында хәрби хезмәт узачак.

Егетләрне туганнары, Түбән Кама һәм Түбән Кама районы хәрби комиссары Газинур Ситдыйков озатып калды.

Язгы чакырылыш вакытында Түбән Камадан армиягә 300 гә якын кеше китте.