Түбән Кама хәрби-диңгез флоты көнен бәйрәм митингы һәм тантаналы марш белән билгеләп үтә

Түбән Камада 27 июльдә Россия Хәрби-диңгез флотының 329 еллыгына багышланган бәйрәм чаралары узачак. Шәһәр администрациясенең матбугат хезмәтендә билгеләп үтүләренчә, тантаналы митинг иртәнге сәгать 10 да Җиңү монументы янында башлана.

Чара программасында хәрби бурычларын үтәгәндә һәлак булган диңгезчеләр истәлегенә тантана каралган. Бер минут тынлыктан соң бәйрәмдә катнашучылар Җиңү мәйданында хәрби диңгезчеләрнең тантаналы маршын күрә алачак.