Түбән Кама волонтерлары «Җиңү армиясенә кушыл!» телемарафонында катнашты

12 сәгать дәвамында хәрбиләр, волонтерлар, хәйрия фонды әгъзалары, социаль хезмәтләр һәм дәүләт органнары вәкилләре иң актуаль сорауларга җавап бирделәр.

Ышанычлы тыл
Телемарафонда түбәнкамалылар да катнашты. Казаморовлар гаиләсе балалары балалар мәйданчыгы төзелешенә өлеш кертү өчен акча җыйган булганнар. Ләкин акчаларны башкача кулланырга һәм махсус операция зонасындагы сугышчыларга ярдәм итеп җибәрергә теләк белдерүләрен сөйләделәр. Бу гаиләдә патриот атааналары сабыйлар өчен үрнәк булып тора, алар окоп шәмнәре ясыйлар һәм техника сатып алу өчен акча җыялар. Бервакыт кичке аш вакытында гаилә башлыгы солдатларга УАЗ машинасы кирәк булуын сөйли.

«Балалар берничә тапкыр җыелган акчаларын кулланырга тәкъдим итте. Алар безнең һәм дусларыбызның нәрсә эшләвен күрәләр. Барысын да аңлыйлар, губка кебек бөтен нәрсәне сеңдерәләр. Бу акчаны кертеп, УАЗик сатып алабыз дигән фикергә без гаиләбез белән түгәрәк өстәл артына утырып сөйләшкәндә килдек», — дип уртаклашты волонтер Николай Казаморов. 

Көн дәвамында марафонны алып баручылар безнең хәрбиләргә сугышта уңышларга ирешергә ярдәм итүчеләргә шактый вакыт багышладылар. Берәүләр җылылык, уңайлылык һәм азык-төлек турында кайгырта, икенчеләре алгы сы зыкта гомерне саклап кала алырлык әйберләр — окоп шәмнәре, экипировка, исән калу беләзекләре һәм маскировка челтәрләре ясый. 

Түбән Камада да хәрбиләр өчен гуманитар ярдәм җыю пункты эшен дәвам итә. Исегезгә төшерәбез: ул Химиклар проспекты, 72б адресы буенча урнашкан. «Безнең пункт көн саен 9 дан 18 сәгатькә кадәр эшли. Акча, азык-төлек яки шәхси гигиена чаралары белән генә түгел, «коры душ», «исән калу беләзекләре», маскировка челтәрләре ясау белән дә ярдәм итә аласыз», — дип билгеләп үтте 6, 7, 8 нче микро-районнарның СТОС рәисе Лариса Орлова. 

Җыелу пунктына китерелгән кыйммәтле йөк «Татарстан гуманитаркасы» төркеме белән махсус хәрби операция зонасына даими җибәрелеп тора. 

Җиңү армиясе 
Шул ук көннәрдә НТР каналында «Көн темасы» тапшыруы булды. Студиянең кунагы — Түбән Кама шәһәре һәм районы хәрби комиссары Газинур Ситдыйков. Сүз, финанс ярдәменнән тыш, яңа патриотконтрактчыларга бирелүче барлык республика һәм федераль ташламалар, һәртөрле ярдәм һәм тернәкләндерү чаралары турында барды.

— Хәзер контрактчылар шактый яхшы түләүләр ала, күптән түгел аларны күтәрделәр. Моның турында тулырак сөйләп китегез әле.

— Республика Рәисе карары белән 500 мең сум матди ярдәм бирү билгеләнде. Моннан тыш бу чараларга Оборона министрлыгының 195 мең сум күләмендәге матди ярдәме кушыла. Бүгенге көндә бу сумма арттырылган. Хәзер түләүләр 1 миллион 500 мең сумга кадәр җитәргә мөмкин. Бирегә шулай ук Татарстан районнары һәм шәһәрләреннән ярдәмне дә кертергә кирәк, алар һәр җирдә төрлечә билгеләнгән. Безнең районда хәзерге вакытта әлеге гражданнарга җир бүлеп бирү буенча эш алып барыла. 

— Хәрби контракт төзүчеләрнең гаиләләре дә ярдәм аламы? 
— Безнең районда алар өчен мәктәп яшендәге балаларга бушлай туклану оештырылган. Мәктәпкәчә яшьтәге балалар өчен балалар бакчаларына бару, 18 яшькә кадәрге балаларга 20 мең сум матди ярдәм күрсәтү оештырылды. Шулай ук гаилә әгъзаларына район территориясендә бушлай йөрү өчен социаль карталар рәсмиләштерелгән. Шулай ук балалары өчен җәйге сәламәтләндерү лагерьларына юллама бирү, шәһәр һәм район җитәкчелеге тарафыннан билгеләнгән барлык чаралар каралган. Авыл җирлегендә яшәүче гаиләләргә дә ярдәм бар: утын һәм сенаж бүлеп бирелә. 

— Контракт төзү процедурасы катлаулымы? 
— Без көн дәвамында кандидат белән барлык чараларны да үткәрәбез, хәзер шәһәр һәм район җитәкчелеге транспорт белән зур ярдәм күрсәтә. Без барлык килүчеләрне җыябыз һәм кирәкле урыннар буенча йөртәбез, алар җәяү йөрми. Кандидатның документлары тәртиптә икән, ул шунда ук контракт төзи. Әгәр документлар югалу проблемалары бар икән, без аларны тиз арада хәл итәбез.

— Контрактны кем төзи ала? 
— Хәзерге вакытта контрактны Россия гражданнары, шул исәптән район яки башка төбәк территориясендә яшәүче 18 яшьтән алып 60 яшькә кадәргеләр. Шулай ук чит ил гражданнары да контракт төзергә хокуклы. Казахстаннан, Төркмәнстаннан, Үзбәкстаннан, Әзербайҗаннан килүчеләрнең дә безнең хәрби комиссариаттан киткәне бар. Хәрби частьларга килгәннән соң, аларга бер ай эчендә гражданлык бирелә ала. Ант биргәннән соң, аларның туганнары һәм якыннары автомат рәвештә Россия Федерациясе гражданнары булып саналачак. 

— Хатын-кызлар контракт төзи аламы?
— Әйе, ләкин 45 яшькә кадәр һәм аерым хәрби белгечлекләре булганда гына. Алар — элемтәчеләр, медицина хезмәткәрләре. РФ Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында тулырак мәгълүматны heroes-tatarstan. ru яисә 117 телефоны яисә +7 917 292-26-12, +7 965 589-78- 50, +7 965 589-72-98, +7 (8555) 44-04-17 телефоннары аша белешергә була.

Фотолар шәхси архивтан.