Түбән Кама үзәк район хастаханәсендә яңа хирургия бүлеге ачылды

Түбән Кама үзәк район хастаханәсендә 3 нче номерлы яңа хирургия бүлеге ачылды, дип хәбәр итә хастаханәнең матбугат хезмәте. Бу бүлектә хирурглар кан тамырлары системасы патологияләре булган пациентларга ашыгыч һәм планлы операцияләр үткәрәчәк.

Бүлекне тәҗрибәле кан тамырлары хирургы Дамир Вәлиулин җитәкли, ул моңа кадәр Чаллыдагы Ашыгыч медицина ярдәме хастаханәсендә (БСМП) эшләгән.

«Ике ай без тест режимында эшләдек, корсак аортасы аневризмасы булган пациентларга ике катлаулы операция уздырдык, шулай ук төрле катлаулылыктагы берничә операция ясадык. Безнең бүлектә гибрид операцияләр башкарылачак, хәзерге вакытта бу — кан тамырлары системасы патологиясе булган пациентларны дәвалауда заманча алым. Без Түбән Кама, Түбән Кама районы, Зәй районы халкына, шулай ук ОМС полисы булган барлык пациентларга ярдәм күрсәтәчәкбез», — дип китерә бүлек мөдире сүзләрен НЦРМБ матбугат хезмәте.

Фото: НЦРМБ матбугат хезмәте