Түбән Кама укучылары волонтерларга окоп шәмнәре һәм маскировка челтәре тапшырдылар

Алар үз куллары белән ясалган маскировка челтәрләре һәм окоп шәмнәре алып килгәннәр, шулай ук башка кирәкле ярдәм җыйганнар. Бу мәктәп — балаларны патриотик тәрбияләү буенча шәһәрдә иң актив мәктәпләрнең берсе.

«Без киптерелгән алма, макарон, чәй, шулай ук медикаментлар алып килдек», — дип уртаклашты мәктәп укучысы Елизавета Чепелева.

Гуманитар ярдәм җыю пункты беркайчан да буш тормый. Көн саен бирегә теге яки бу ярдәм китерүчеләр килә: кемдер өендә нәрсәдер җыя, башкалар үз куллары белән нәрсәдер эшли. Укучылар һәм хәтта мәктәпкәчә яшьтәгеләр дә ярдәм туплауда актив катнаша.

Бу — фронтка зур ярдәм булудан тыш, уку йортларында хуплана торган патриотик тәрбиянең мөһим өлеше дә. Өстәвенә, күп кенә балаларның әтиләре, абыйлары, туганнары хәзер фронтта, шуңа күрә балалар теләп уртак эшкә кушыла — аларга бу кызык, һәм алар уртак җиңүгә үз өлешләрен кертәләр.