Түбән Кама территориаль иҗтимагый үзидарәләре республика конкурсында катнаша алачак

Конкурсның муниципаль этабы 16-29 гыйнвар көннәрендә узачак. Гаризалар stos.nk@mail.ru почтасына кабул ителә.

Конкурс берничә этаптан тора. 30 гыйнвардан 5 февральгә кадәр муниципаль комиссияләр гаризаларны карый, ә 6 февральдән 19 февральгә кадәр — «Татарстан Республикасы Муниципаль берәмлекләре советы» ассоциациясе муниципаль комиссияләр җибәргән материалларны кабул итә. 20 февральдән 6 мартка кадәр республика комиссиясе барлык гаризаларга бәя бирәчәк.

Конкурс кысаларында һәр ТИҮ эшенең нәтиҗәлелеге бәяләнә.