Түбән Кама теплицаларында 8 Мартка лалә чәчәкләре үстерәләр

Халыкара хатын-кызлар көненә Түбән Кама теплицаларында лалә чәчәкләре үстерәләр, тиздән алар сатуга чыгачак.

Шунысын да билгеләп үтәргә кирәк, быел Россиядә лалә бәйләме бәясе узган елдагыга караганда 25 процентка кыйммәтрәк булырга мөмкин. Бу голландия суганчаларының уңышы начар булуы һәм таможня пошлиналарының артуы белән бәйле.

Шул рәвешле лаләләрнең уртача бәясе роза бәяләренә якынайды, дип билгеләп үттеләр экспертлар. Хәзер бер лалә чәчәгенең бәясе 231 сумга җитә. Чагыштыру өчен: бер роза уртача 248 сум тора. Бу чәчәкләр арасындагы бәя аермасы хәзер 7,4 процент тәшкил итә. Моннан бер ел элек аерма 39 процент булган.