Түбән Кама табибларына дәүләт хезмәтләре порталлары аша язылу 7 сәгатьтә ачыла

ТР һәм РФ Дәүләт хезмәтләре порталында Түбән Кама үзәк район хастаханәсенең барлык табибларына язылу 7:00 сәгатьтә ачылачак. Бу хакта хастаханәнең матбугат хезмәте хәбәр итә.

Шулай ук табибка кабул итүгә 8 (8555) 24-40-03 колл-үзәк телефоны номеры буенча да язылырга мөмкин, ул эш көннәрендә иртәнге җидедән көндезге дүрткә кадәр эшли.

Табибка талонны элеккечә үк поликлиникаларның беренче катларында урнашкан терминаллардан файдаланып алырга мөмкин.