Түбән Кама табиблары халыкара форумга китте

Түбән Кама үзәк район хастаханәсе белгечләре «Эффективные системы менеджмента: Качество. Циркулярная экономика. Технологический суверенитет» XI халыкара фәнни-практик форумда катнаша. Бу хакта хастаханәнең матбугат хезмәте хәбәр итә.

Чараның программасы секцияләргә бүленгән, көн дәвамында форумда катнашучылар тәҗрибәле спикерлар белән бергә медицинадагы сыйфат, куркынычсызлык һәм инновацияләргә багышланган төрле темаларны тикшерә.

Очрашуның модераторы — Санкт-Петербургтан медицина фәннәре кандидаты Олег Куликов. Ә форумның спикерлары ролендә эре республика клиникалары җитәкчеләре, Россиянең башка төбәкләреннән махсус чакырылган әйдәп баручы белгечләр һәм экспертлар чыгыш ясый.