Түбән Кама янгын сүндерүчеләре ТР атказанган коткаручысы Алексей Шаповалов исемендәге лицейда өмә үткәрде

Санитар икеайлыкның иң кызган чагы, ул май ахырына кадәр дәвам итәчәк. Көн саен күп кенә эшче коллективлар, мәктәп укучылары, студентлар тәртип урнаштыру өчен Түбән Кама урамнарына яки үз учреждениеләре территорияләренә чыга.

Кичә җыештыру эшләренә Түбән Кама янгын сүндерүчеләре чыкты. Алар ТР атказанган коткаручысы, полковник Алексей Шаповалов исемен йөртүче 31 нче лицей укучыларына территорияне чистартырга ярдәм иттеләр. Агачларның коры ботакларын кисеп, җыеп алдылар, чүп-чар җыйдылар.