Түбән Кама студенты Анапа пляжларын мазуттан чистартуда ярдәм итте

Түбән Кама студенты Роман Сергеев 2024 елның 15 декабрендә Керчь бугазында нефть продуктлары төялгән танкерлар баткан авария нәтиҗәләрен бетерүдә катнашты.

Татарстан волонтерлары командасы составында ул Анапа пляжларын мазуттан чистарту өчен Краснодар краена китте. Командировка ТР Рәисе Рөстәм Миңнеханов ярдәме белән мөмкин булды.

Волонтерларны 3 төркемгә бүлделәр: беренче төркем Анапа ярларын мазут булу-булмавына тикшерүгә, нефть продуктларын капчыкларга җыюга юнәлде, икенчесе — мазуттан зыян күргән кошларны коткарды, өченче төркем яңа тернәкләндерү үзәкләре төзүдә булышты. Роман беренче төркем составында эшли һәм Краснодар крае ярларын чистарта.

Ул саклагыч экипировкада эшләүнең катлаулы булуын һәм команданың күмәк эшләвен билгеләп үтте. Студент җәмгыять, бизнес һәм дәүләтнең уртак тырышлыгы белән генә бу экологик һәлакәт нәтиҗәләрен бетереп була дип ышана.