Түбән Кама сәнәгать зонасын республика трассасы белән тоташтырырга ниятлиләр

Түбән Кама сәнәгать зонасын Тукай районы чиге янындагы республика трассасы белән яңа әйләнеч магистраль автомобиль юлы белән тоташтырырга ниятлиләр.

Бу хакта үзенең Телеграм-каналында Түбән Кама мэры Рамил Муллин хәбәр итте. Аның сүзләренчә, тиешле карар Соболеково юлын бушатырга мөмкинлек бирәчәк.

Шулай ук шәһәр аша йөк машиналарының йөрүен чикләү өчен индустриаль урамны Соболековская белән тоташтырачак юл төзү планлаштырылган. Моннан тыш, мэр Борок торак пункты янында Зәй елгасы аша иске күперне реконструкцияләү турында да искәртте.