Түбән Кама районының Түбән Уратма авылында заманча модульле котельный урнаштырдылар

Түбән Кама районының Түбән Уратма авылында заманча модульле котельный урнаштырдылар, аның ике куәтле казаны бар. Ул шушы авылдагы мәдәният йортын җылытачак.

Котельный муниципаль программа буенча урнаштырылды. Бу эшләргә ике ай чамасы вакыт киткән.

Бу котельныйның үзенчәлеге — аның тулысынча автоном эшләвендә, һәм, әлбәттә, экономияле булуында. Ул заманча автоматлаштыру һәм идарә итү системасы белән җиһазландырылган, бу җылылык җитештерү процессын оптимальләштерергә һәм энергиягә чыгымнарны киметергә мөмкинлек бирә.