Түбән Кама районында үзара салымны иң күп җыючы авылларны атадылар

«Эшлекле дүшәмбе»дә үзара салым программасы турында сөйләделәр. Түбән Кама районында программа инде 10 ел эшли. Исегезгә төшерәбез: халык җыйган һәр сумга республика дүрт сум өсти. Шул ун ел эчендә 218 миллион сумга якын сумманы гамәлгә ашыруга ирешелде. Бу акчага авылларда юллар ремонтлана, балалар һәм спорт мәйданчыклары төзелә, су белән тәэмин итү системасы яңартыла һәм башкалар.

«2021-2025 елларда үзара салым программасы буенча акчаларның гомуми суммасы 58 миллион сум тәшкил итте. Шуның 11,6 миллион сумы — гражданнарның ирекле кертемнәре, 46,4 миллион сумы — ТР бюджетыннан финанслашу. Акча җыю буенча лидерлар: Кызыл Чапчак, Каенлы һәм Түбән Уратма авыл җирлекләре», — дип санап китте Түбән Кама муниципаль районы башлыгының авыл хуҗалыгы мәсьәләләре буенча ярдәмчесе Альфред Нигъмәтҗанов.