Түбән Кама районында «Пушкин картасы» буенча чаралар 22 учреждение тарафыннан үткәрелә

2025 ел эчендә 1 802 чара үткәрелгән, 30 236 билет сатылган, дип хәбәр итте февраль башында үз докладында мәдәният идарәсе башлыгы Эльвира Кәримуллина.

«Пушкин картасы» — яшүсмерләр һәм яшьләр арасында мәдәни чараларны популярлаштыру программасы. Ул «Гаилә» милли проекты кысаларында гамәлгә ашырыла. Программа спектакльләргә, концертларга, кинотеатрларга, музейларга һәм күргәзмәләргә бушлай барырга мөмкинлек бирә — түләү карта белән башкарыла, аның балансына дәүләт елга 5 мең сум күчерә.

«Пушкин картасы»н Россиянең 14 яшьтән 22 яшькә кадәрге теләсә кайсы гражданы ала ала. Виртуаль картаны «Дәүләт хезмәтләре. Мәдәният» кушымтасында, ә пластик картаны ВТБ банкында рәсмиләштерергә кирәк.

«Пушкин картасы» буенча чаралар афишасы культура.рф сайтында урнаштырыла.