Түбән Кама районында өч класс ОРВИ аркасында «дистант»ка күчерелде

Түбән Кама районында өч сыйныф ОРВИ белән авыручылар саны күп булу сәбәпле дистанцион укытуга күчерелгән.

Бу хакта 8 декабрьдә «эшлекле дүшәмбе» дә Роспотребнадзорның ТР буенча идарәсенең Түбән Кама территориаль бүлеге башлыгы Рөстәм Изиятуллин хәбәр итте.

Ул ачыклык керткәнчә, «дистант» ка күчерү турындагы карар класста авыручылар өлеше 20% тан артканнан соң кабул ителә.

Гомумән алганда, Изиятуллин мәктәпләрдә авыру белән бәйле вәзгыятьне тотрыклы дип атады.