Түбән Кама районында ике мунча һәм утын сарае янган

Түбән Кама районында янгын чыккан, аның нәтиҗәсендә ике участоктагы корылмалар янып беткән.

Һәлакәт урынына беренче булып ирекле янгын сүндерү командалары килеп җитә. Мунча белән утын сараен сүндерү өчен аларга бер сәгать вакыт кирәк була.

Нәтиҗәдә, ут ике участоктагы ике мунчаны һәм утын сараен юк итә. Янгынның мәйданы 36 кв. м тәшкил иткән. Беренчел фараз буенча гадәттән тыш хәлнең сәбәбе төтен торбасының төзек булмавында, дип хәбәр иттеләр Түбән Кама муниципаль районы буенча күзәтчелек эшчәнлеге һәм профилактика эшләре бүлегендә.

Фото: ОНД и ПР по НМР